Euskaltzaindiari egin beharreko ekarpenak finkatzeko, ikuspuntu bat baino gehiago izatea komeni da. Horretarako, ikerketan aritu beharko zarete atal honetan. Ikerketa-lan hau gauzatzeko, aldiz, Adituen taldeetan elkartuko zarete eta, era horretan, taldekide bakoitza ikerketa-ildo jakin bateko aditu bilakatuko da.
Sei dira proposatzen diren ikerketa-ildoak. Bakoitzari dagokion lanketa, berriz, Adituen koadernoan beteko duzue. Ikerketa-lan horietatik ateratako ondorioak ezinbestekoak izango zaizkizue, aurrerago, urgazle-taldeetan elkartzen zaretenean, erronkari erantzun ahal izateko.
Hona hemen proposatutako ikerketa-ildoak:
- A) Ikastetxeko hizkuntzen mapa.
- B) Ikastetxearen hizkuntza-politika.
- C) Herriko euskararen historia soziala.
- D) Gazteen hizkuntza-beharrak.
- E) XXI. mendeko aldarrikapenak.
- F) XXI. mendeko arteak.
Bukatzeko, ikerketa bakoitzetik ateratako informazioa biltzeko (ahozko grabaketak, irudiak, inkesten emaitzak…), ezinbestekoa izango da karpeta bat sortu eta adituen artean partekatzea. Karpeta horri egokitutako ikerketa-ildoaren izena emango diozue.