3. Soziolinguistika-kontzeptuak
Erronkari aurre egiteko ezinbestekoa zaizue soziolinguistika-kontzeptuak argi edukitzea. DBHn zehar, Soziolinguistikarekin zerikusia duten zenbait gai landu dituzue. Aurrez ikasitakotik abiatuta, erronkan erabiliko duzuen hiztegi soziolinguistikoan trebatuko zarete orain.
1. Lotu kontzeptuak, definizioak edo azalpenak, emandako kontzeptuak dagozkien hutsuneetan ezarriz. Zalantza izanez gero, euskarrien atalean soziolinguistika-kontzeptuen hiztegia duzue.
Hutsuneak betetzeko kontzeptuak: eleaniztasuna, diglosia, elebakartasuna, hizkuntza-erregistroa, hizkuntza-aurreiritzia, dialektoa, hizkuntza-ekologia, hizkuntza gutxitua, hizkuntza-eskubideak, hizkuntza-gatazka, hizkuntza-aniztasuna, hizkuntza-ukipena, hizkuntza-komunitatea, hizkuntza-politika, hizkuntza ofiziala, eta soziolektoa.